Novedades Carminha asomaron a cabeza con Grandes Éxitos (2008) e a escena saudounos como o espírito revivido dos Siniestro Total de 1982. "Chamáronme a atención os dous primeiros elepés", confirma Carlos Pereiro, Carlangas, ideólogo dos Carminha, "con aquela frescura, actitude, descaro". A ¿Cuándo se come aquí? e Siniestro Total II. El regreso cualíficaos dos seus Sex Pistols particulares. "Adaptaban o punk á miña vida real", explica, "máis que as bandas de Madrid ou que o Rock Radikal Vasco".
Pero Carlangas fala en diferido: naceu en 1987. Cando descubriu aos autores de Ayatola, estes levaban anos nos escenarios. "Iso si, escoitei todos os discos, tamén o último", di, "hai algún que bordea o heavy metal e non me gusta; agora son uns mozos puretas, con pintas de churrasqueiros e que tocan blues".
* Este artículo apareció en la edición impresa del Viernes, 24 de septiembre de 2010